Tamil Reader

துபாயில் இருந்து வந்தவர் உட்பட தமிழகத்தில் மேலும் 86 பேருக்கு COVID-19 வைரஸ் பாதிப்பு..!

COVID-19 Confirmed cases in Tamil Nadu

தமிழகத்தில் இன்று ஒரே நாளில் (மார்ச் 5) 86 பேருக்கு COVID-19 வைரஸ் பாதிப்பு உறுதி செய்யப்பட்டுள்ளது.

தற்போது மாநிலத்தில் பாதிக்கப்பட்டவர்களின் மொத்த எண்ணிக்கை 571ஆக உயர்ந்துள்ளது என சுகாதாரத்துறை தெரிவித்துள்ளது.

இந்த புதிய நபர்களில், ஒருவர் துபாயில் இருந்து தமிழகம் திரும்பியவர் என்றும் சுகாதாரத்துறை தெரிவித்துள்ளது.

செய்தியாளர்களிடம் பேசிய சுகாதாரத்துறை செயலர் பீலா ராஜேஷ், தமிழகத்தில் கொரோனா பாதிப்பு மூன்றாம் நிலைக்குச் செல்லக்கூடாது என மக்கள் ஒவ்வொருவரும் நினைக்கவேண்டும் என்றார்.

‘தமிழகம் முழுவதும் 90,824 பேர் வீட்டு கண்காணிப்பில் உள்ளனர். 127 பேர் அரசு கண்காணிப்பில் உள்ளனர். இதுவரை எட்டு நபர்கள் சிகிச்சை பெற்று குணமடைந்து வீடு திரும்பியுள்ளனர், என்றார்.

மேலும் இதுவரை 4,612 பேர்களுக்கு கொரோனா வைரஸ் பரிசோதனை நடத்தப்பட்டுள்ளது என்றும் தெரிவித்துள்ளார்.


மற்ற சில பதிவுகள்