Tamil Reader

இந்தியா COVID-19: விமான டிக்கெட் முன்பதிவு செய்தவர்களுக்கு நிறுவனங்களின் அறிவிப்பு..!

Flight Passengers

விமானங்களில் டிக்கெட் முன்பதிவு செய்தவர்கள் பணத்திற்கு பதிலாக ஓராண்டுக்குள் பயணம் செய்யலாம் என ட்விட்டரில் விமான நிறுவனங்கள் தகவல் தெரிவித்துள்ளன.

கொரோனா வைரஸ் தாக்கம் காரணமாக விமான சேவைகள் முடக்கப்பட்டுள்ளது. இந்தியாவில் கடந்த மார்ச் மாதம் 22ஆம் தேதி பன்னாட்டு விமான சேவையும், மார்ச் மாதம் 24ஆம் தேதி முதல் உள்நாட்டு விமான சேவையும் மறு உத்தரவு வரும் வரை நிறுத்தப்பட்டுள்ளது.

தற்போது இந்தியா முழுவதும் ஊரடங்கு அமலில் உள்ளது குறிப்பிடத்தக்கது. இந்நிலையில் ஊரடங்கு காலத்தில் முன்பதிவு செய்யப்பட்ட விமான டிக்கெட்டுகள் ரத்து செய்யப்பட்டன.

அதற்கான தொகை முழுவதும் விமான நிறுவனங்களின் இருப்பில் இருக்கும் என்று தெரிவித்துள்ளன. டிக்கெட் முன்பதிவு செய்து ஊரடங்கு காரணமாக ரத்து செய்யப்பட்ட பயணிகளுக்கு பணம் திருப்பி வழங்கப்பட மாட்டாது.

பணத்துக்கு பதிலாக அந்த டிக்கெட்டை 2021ஆம் ஆண்டு ஏப்ரல் மாதத்துக்குள் பயன்படுத்தி கொள்ளலாம் என விமான நிறுவனங்கள் ட்விட்டரில் அறிவிப்பு செய்துள்ளன.

ஆனால் ஊரடங்கு காலத்தில் ரத்து செய்யப்பட்ட டிக்கெட்டின் முழு தொகையையும் வழங்க வேண்டும் என்று கோரிக்கை எழுந்து உள்ளது. ஆனால் பிப்ரவரி மாதம் முதல் விமான பயணிகள் எண்ணிக்கை குறைந்துவிட்டன.

மேலும், ஊரடங்கு காலத்தில் டிக்கெட் ரத்து செய்யப்பட்டவர்களுக்கு ஒரே நேரத்தில் தொகை வழங்க முடியாத நிலை ஏற்பட்டதால் சிறப்பு சலுகையாக அந்த தொகையில் ஓராண்டிற்குள் டிக்கெட் எடுத்து பயணத்தை மேற்கொள்ளலாம் என்று விமான நிறுவன அதிகாரிகள் தெரிவித்துள்ளனர்.


மற்ற சில பதிவுகள்