Tamil Reader

துபாயில் இருந்து இந்தியாவுக்கு விமானத்தில் கடத்தி வந்த 1 கோடி மதிப்புள்ள தங்கத்துகள்கள் பறிமுதல்..!! 

துபாயில் இருந்து விமானம் மும்பை சர்வதேச விமான நிலையத்துக்கு வந்தது. இந்நிலையில், இந்த விமானத்தில் தங்கம் கடத்தி வரப்படுவதாக சுங்க துறைக்கு ரகசிய தகவல் கிடைத்தது. இந்த தகவலின் பேரில் அதிகாரிகள் விமானத்தில் வந்த பயணிகளின் உடைமைகளில் தீவிர சோதனை நடத்தினா். ஆனால் தங்கம் எதுவும் சிக்கவில்லை.

இதனை அடுத்து அதிகாரிகள் விமான பணிப்பெண்கள் மற்றும் ஊழியர்களின் உடைமைகளிலும் சோதனை நடத்தினர். இந்த சோதனையின் போது, சனா பதான் (வயது 30) என்ற விமான பணிப்பெண்ணின் பையில் இருந்த உள்ளாடைகளில், ரூ.1 கோடி மதிப்பிலான 4 கிலோ தங்கத்துகள்கள் மறைத்து வைக்கப்பட்டு இருந்தது கண்டுபிடிக்கப்பட்டது.

அவற்றை பறிமுதல் செய்த அதிகாரிகள், விமான பணிப்பெண்ணை அதிரடியாக கைது செய்தனர். இதையடுத்து சனா பதானிடம் நடத்திய விசாரணையில், சாகில் என்ற நபர் கூறியதன் பேரில், ரூ.60 ஆயிரம் கமிஷனுக்காக தங்கத்தை கடத்தி வந்ததாக தெரிவித்தார். இந்த கடத்தல் தொடர்பாக விசாரணை நடந்து வருவதாக தமிழக ஊடகங்கள் தெரிவிக்கின்றன.

மற்ற சில பதிவுகள்

error: Alert: Content is protected !!